من بویان٬یار او یاندی

گول آتدیم ٬یار اویاندی

رقیب گلدی سوز آتدی

یار سایمادی ٬او٬یاندی

باغدا یاتان یار منیم

قاش گؤز آتان یار منیم

بیر گئجه لیک آی کیمی

چیخیپ باتان یار منیم

قیز گلیرسن هارادان ؟

بیر شکیل سن سارادان

سنی منه وئرمزلر

گل قاچیردیم آرادان

اولمایان ایش اولدو٬گل

گؤزوم یاشا دولدو ٬گل

عؤمرومون گؤزل گولو

آیریلیقدان سولدو ٬گل

یاریما گول درمیشم

سله ده گؤندرمیشم

یاریم گله ن یوللارا

«آل الوان»گول سرمیشم